സ്വതന്ത്ര ഇന്ത്യയുടെ ജനാധ്യപത്യ യാത്ര!

സ്വാതന്ത്ര്യാനന്തര ഇന്ത്യയിൽ 540-ൽ അധികം നാട്ടുരാജ്യങ്ങൾ ഉണ്ടയായിരുന്നു എന്നാണ് ചരിത്രത്തിൽ അടയാളപ്പെടുത്തിയിരിക്കുന്നത്. ഈ നാട്ടുരാജ്യങ്ങളിലെ രാജാക്കന്മാരെ മെരുക്കിയെടുക്കുക എന്നത് നിസ്സാര കാര്യമായിരുന്നില്ല.

പുതിയ ഇന്ത്യയുടെ ആഭ്യന്തര മന്ത്രിയെന്ന നിലയിൽ ഇന്ത്യൻ ഏകീകരണമെന്ന ശ്രമകര ദൗത്യം ഇന്ത്യയുടെ ഉരുക്കു മനുഷ്യൻ, സർദാർ വല്ലഭായ് പട്ടേൽ ഏറ്റെടുത്തു. ചെറുതും വലുതുമായ നാട്ടു രാജ്യങ്ങളെ ഒന്നിപ്പിക്കുക എന്ന കർത്തർവ്യത്തിന് പട്ടേൽ, വി.പി മേനോനെ ഒപ്പം കൂട്ടി. 

പട്ടേലിന്റെ  സെക്രട്ടറി ആയിരുന്നു മലയാളി കൂടിയായ വി.പി മേനോൻ. അതിനു പുറമെ ബ്രിട്ടീഷ് ഭരണ ഇന്ത്യയുടെ അവസാന വൈസ്രോയിയായ മൗണ്ട് ബാറ്റൺൻ്റെ രാഷ്ട്രീയ ഉപദേഷ്ടാവ് കൂടിയായിരുന്നു അദ്ദേഹം. ഇന്ത്യൻ ഇൻഡിപെൻഡൻസ് ആക്ട് 1947 രൂപീകരിക്കുന്നതിൽ മേനോൻ്റെ പങ്ക് വളരെ വലുതും ശ്രദ്ധേയവുമാണ്.

വിഭിന്നമായി കിടന്ന നാട്ടുരാജ്യങ്ങളെ സൈനിക നടപടികൾ കൂടാതെ ഇന്ത്യൻ യൂണിയനിൽ ലയിപ്പിക്കുവാൻ പട്ടേലിനെ പ്രാപ്തനാക്കിയത് വി.പി മേനോൻ്റെ ഉപദേശങ്ങളും സഹായവുമാണ്.

എടുത്ത് പറയേണ്ട മറ്റൊരു കാര്യം കേരളം പുനഃസംഘടിപ്പിക്കുന്നതിലും വി.പി യുടെ ഇടപെടലുകളുണ്ട് എന്നതാണ്. കാരണം അക്കാലത്ത് തങ്ങളെ ഒരു സ്വതന്ത്ര രാജ്യമായി പ്രഖ്യാപിക്കണം എന്ന വാദത്തിൽ ആയിരുന്നു മറ്റു ചില നാട്ടുരാജ്യങ്ങളെ പോലെ തിരുവിതാംകൂറും. പക്ഷെ വി.പി മേനോൻ്റെയും മൗണ്ട് ബാറ്റൺന്റെയും നേതൃത്വത്തിൽ നടന്ന ചർച്ചകൾക്കൊടുവിൽ തിരുവിതാംകൂർ രമ്യതപ്പെട്ടു.

തിരുവിതാംകൂർ പോലെയോ അതിനു മുകളിലോ ഇടഞ്ഞു നിന്ന നാട്ടുരാജ്യങ്ങളിൽ രാജപുത്താന, കാശ്മീർ, ഹൈദ്രബാദ് തുടങ്ങിയവ ഉൾപ്പെടും.  ഇവയെല്ലാം ഇന്ത്യയിൽ ലയിപ്പിക്കുന്നതിൽ വി.പി മേനോൻ വലിയ പങ്ക് വഹിച്ചു.    

ഇന്ത്യയുടെ ചരിത്രത്തിൽ ഏറ്റവും തിളക്കമാർന്ന ഒരു കാലഘട്ടത്തിൽ, രാജ്യത്തെ ഭരണാധികാരികളുടെ പിന്നിൽ നിന്നും മുന്നോട്ട് നയിച്ച ഒരു മലയാളി ഉദ്യോഗസ്ഥൻ ഉണ്ടായിട്ടുണ്ടോ എന്ന കാര്യം സംശയം ആണ്.